भास तुझा..


स्वप्नातही तुझी वाट पाहाते, तुझ्या कुशीतच मला मी सापडते...
डोळे उघडून चोहीकडे वेडी मी तुलाच शोधते...

तुझ्याविन काहूर हे उरी दाटते, माझ्या डोळ्यातल्या 'तुला' मी लपवते...
तुझ्यातच विरघळते, तुझ्यातच हरते-विरते, 
तुझ्यातच भिजते, बेभान होऊन तुझ्याबरोबरच नाचते...

तुझेच नाव गुणगुणते, तुझ्या आठवांनी शहारते, एकटीच सावरते...
मन का हे तुलाच नादावते आणी वेडी मी माझी मलाच हसते...

मखमली भास हे सारे तुझे सभोवताली.. वेडी चाहूलही तुझीच..
पाऊल हे तुझ्याकडेच रेंगाळते, श्वास हा गंधाळतो...

विसरून मी माझी मला, मी तुझीच होऊन जाते...
किती छळतोस मला, तोल माझा सावरु मी कसा..
मन हळवे भांबावते...! सांग मी होते तुझी का...!!



Comments

Post a Comment

Popular posts from this blog

तुझं माझं जमेना नि तुझ्यावाचून करमेना....

Image
                           सायंकाळचे चार वाजले होते. रेडीओवरती गाणी ऐकत होते मन रमवण्यासाठी. हातात कॉफीचा मग घेऊन खिडकीपाशी येणाऱ्या-जाणाऱ्या लोकांकडे पाहत बसले होते. रस्त्यावरती बाईकवरून जाणाऱ्या त्या दोघांना बघून मला हेवा वाटला आणि इतक्यात संदीप-सलीलचे "आताश्या असे हे मला काय होते.. कुण्या काळचे पाणी डोळ्यात येते...." हे गाणे चालू झाले. परत आठवणींचे मेघ मनावर दाटून आले. इतका वेळ मनात दाबून ठेवलेल्या असंख्य भावना आणि विचारांचे अश्रुरूपी पाणी गालावरून ओघळले.                            आज रविवार, पण तरीही आज कश्यातच मन रमत न्हवते. दिवसभर मी शांत, बेडवर तशीच पडून होते. मेसेजेस आणि कॉल्सनी mobile खणखणत होता पण कुणाशी बोलण्यातही मला रस वाटत न्हवता. काय होत होते ते मला काहीच काळात न्हवते. आज पूर्ण एक आठवडा होऊन गेला होता. त्याचे नि माझे काही कारणामुळे चांगलेच भांडण झाले होते. ज्यांना एकमेकांशिवाय एक क्षणही करमत नसायचे असे आम्ही दोघे पूर्ण आठवडा एकमे...
Read more

तूच तू...

Image
"तूच तू..." सुखाचा "स्पर्श" तू.. माझा गुंतलेला श्वास तू.. आयुष्य रंगवून टाकणारा अनामिक रंग तू.. मी अंतर्मनात जपलेला षड्ज तू.. मला विरघळवून टाकणारा माझा शिंपला तू.. माझ्या प्रत्येक श्वासात झिरपणारा थेंब तू..   कोणती जादू ही, माझे मलाच उमजेना..! आणि माझ्यात माझ्यापेक्षा जास्त होणारा तू.. तुझा गंध माझा, तुझा रंग माझा, स्पर्श माझा... श्वासही तू माझाच, ती धुंद मिठी ही माझीच... माझे म्हणायला माझे आहे तरी काय.. मी सर्वस्वी तुझीच..!!
Read more

प्रेमरंग तुझा बावरा....!

Image
            पहिल्यांदा कधी भेटला, कसा भेटला,नाहीच आठवत..! कधी त्याची ओढ लागली मनाला.. कोणता होता तो दिवस. हेही नाहीच आठवत..! मोठं होता होता त्याच्यासोबत आपली किती स्वप्नं मोठी झाली, किती इच्छा तरुण झाल्या... आठवू म्हटलं तरी नाहीच आठवत !            मग तरी का येतो आजही त्याच्या आठवणींचा वेडावणारा गंध.? जरा आत उकरल, कि मनाची माती आजही तशीच गंधभारली भासते. त्याचं असं नुस्त नाव जरी काढलं तरी मनात कधीकधी रिमझिमायला लागतो आनंद..! आणि कधी उगाच दाटून येतं मळभ.... कधी रुणझुणतात सुखाच्या तारा आणि कधी मात्र जीव कासावीस होत डोळ्याला लागतात धारा...            काल अचानकच तुझी खूप आठवण आली. राह्वेनासे झाले.. अस्वस्थता मनाला शांत बसू देईना. आणि कसंबसं धैर्य एकवटून नंबर आठवून फोन लावला तुला. प्रेम.... एक सुंदर, मनाला वेड लावणारी, स्वप्नातील गोष्टी सत्यात उतरवणारी भावना, जवळच्या व्यक्तीची ती प्रचंड ओढ. एक सुंदरसं, नाजुकसं, अवखळ फुलपाखरू ! स्वच्छंदी उडणारं, मनाला वाटेल तिथे घेऊन जाणारं... फोन उचलताच तुझा उत्तरासम प्...
Read more